सिमेभुमी (दुर्छा) पदमार्ग (गोरेटो बाटो) निर्माण समिति

तमुसेवा समाज दुर्छाको पहलमा सञ्चालन हुन लागेको “सिमेभुमी (दुर्छा) पदमार्ग (गोरेटो बाटो) निर्माण” परियोजना गाउँको दिगो विकास र स्थानीय बासिन्दाको सहज आवतजावतका लागि, यस पदमार्गले विभिन्न बस्तीहरूलाई जोड्ने, विद्यार्थी, ज्येष्ठ नागरिक तथा दैनिक यात्रुहरूलाई सुरक्षित र सहज मार्ग उपलब्ध गराउने लक्ष्य राखेको छ। साथै, ग्रामीण पर्यटन प्रवर्द्धन, प्राकृतिक सम्पदाको संरक्षण र स्थानीय आर्थिक गतिविधि विस्तारमा पनि यसले टेवा पुर्‍याउने अपेक्षा गरिएको छ। यो परियोजना समुदायको सक्रिय सहभागितासँगै प्रदेश सरकार र नगरपालिकाको बजेट सहयोग समावेश गरी सहकार्यको आधारमा सफलतापूर्वक सम्पन्न गरिनेछ।